BSNL 4G
BSNL ने देशातील अनेक शहरांमध्ये आपली 4G सेवा सुरू केली आहे. त्याच वेळी, सरकारी टेलिकॉम कंपनी आता 5G साठी तयारी करत आहे. खाजगी दूरसंचार कंपन्यांच्या वाढत्या मोबाईल टॅरिफच्या पार्श्वभूमीवर, लाखो वापरकर्त्यांनी अलीकडेच त्यांचे नंबर बीएसएनएलकडे पोर्ट केले आहेत. सरकारी दूरसंचार कंपनी आपल्या सेवेचा दर्जा सुधारण्यात व्यस्त असून हजारो नवीन मोबाइल टॉवर बसवले आहेत.
खाजगी कंपन्यांना आव्हान
आपले नेटवर्क अपग्रेड करण्यासोबतच, BSNL आता खाजगी दूरसंचार कंपन्या Airtel, Jio आणि Vi च्या प्रीपेड प्लॅनला एक कठीण आव्हान देत आहे. भारत संचार निगम लिमिटेडकडे 395 दिवसांच्या वैधतेसह एक उत्तम रिचार्ज प्लॅन आहे, ज्यामध्ये वापरकर्त्यांना फ्री कॉलिंग, डेटासह अनेक फायदे दिले जात आहेत.
फक्त BSNL कडे 13 महिन्यांची वैधता असलेली योजना आहे. इतर कंपन्यांकडे 365 दिवसांची कमाल वैधता असलेल्या योजना आहेत. बीएसएनएलच्या या प्लानची खास गोष्ट म्हणजे यासाठी यूजर्सला रोज ७ रुपयांपेक्षा कमी खर्च करावा लागतो.
BSNL चा 395 दिवसांचा प्लॅन
बीएसएनएलचा हा प्रीपेड रिचार्ज प्लॅन 2,399 रुपयांचा आहे, म्हणजेच तुम्हाला दररोज सुमारे 6.57 रुपये खर्च करावे लागतील. या प्लॅनची वैधता 395 दिवसांची आहे. या प्रीपेड रिचार्ज प्लॅनमध्ये उपलब्ध असलेल्या फायद्यांबद्दल बोलायचे झाल्यास, वापरकर्त्यांना भारतातील कोणत्याही नेटवर्कवर अमर्यादित कॉलिंगचा लाभ मिळतो. या प्लॅनमध्ये यूजर्सला दररोज 2GB हायस्पीड डेटाचा लाभ मिळणार आहे. यानंतर यूजर्सना 40kbps च्या स्पीडने अनलिमिटेड इंटरनेटचा लाभ मिळेल.
भारत संचार निगम लिमिटेडच्या या प्रीपेड प्लॅनमध्ये दररोज १०० मोफत एसएमएसचा लाभ मिळतो. याशिवाय, BSNL त्याच्या दीर्घ वैधता रिचार्ज प्लॅनमध्ये अनेक मूल्यवर्धित सेवांचा (VAS) लाभ देखील देते. यामध्ये वापरकर्त्यांना हार्डी गेम्स, एरिना गेम्स, झिंग म्युझिक, वॉव एंटरटेमेंट, बीएसएनएल ट्यून्स इत्यादींचे मोफत सबस्क्रिप्शनही मिळते.
