शारदा सिन्हा
भारत सरकारने 1991 मध्ये पद्मश्री आणि 2018 मध्ये पद्मभूषण पुरस्काराने सन्मानित गायिका शारदा सिन्हा यांचे वयाच्या 72 व्या वर्षी निधन झाले. शारदा सिन्हा यांनी मंगळवारी रात्री उशिरा दिल्लीतील एम्स रुग्णालयात अखेरचा श्वास घेतला. शारदा सिन्हा यांच्या निधनाने भोजपुरी संगीत विश्वात शोककळा पसरली आहे. शारदा सिन्हा त्यांच्या छठ गाण्यांसाठी ओळखल्या जातात. छठ उत्सवाच्या पहिल्याच दिवशी शारदा सिन्हा यांनी अखेरचा श्वास घेतला. शारदा सिन्हा यांचे छठ हे गाणे त्यांच्या मृत्यूच्या एक दिवस आधी रिलीज झाले होते. या गाण्याला केवळ एका दिवसात 2 लाखांहून अधिक व्ह्यूज मिळाले आहेत.
छठ सोबत चित्रपटात गायलेली गाणी
शारदा सिन्हा उत्तर प्रदेश आणि बिहारमध्ये छठ गाण्यांसाठी ओळखल्या जातात. शारदा सिन्हा यांनी डझनभर सुपरहिट गाणी गायली आहेत. शारदा सिन्हा यांनी भोजपुरीसह हिंदी गाणी आपल्या सुरांनी सजवली आहेत. शारदा सिन्हा यांनी सलमान खानच्या ‘मैने प्यार किया’ या सुपरहिट चित्रपटात एक गाणेही गायले होते. या गाण्याला खूप प्रसिद्धी मिळाली. एवढेच नाही तर आजही लोकांना हे गाणे आवडते. याशिवाय गँग्स ऑफ वासेपूरमधील ‘तार बिजली से पताले हमारे पिया’ या सुपरहिट गाण्याला त्यांनी आवाज दिला होता.
शेवटचे गाणे 1 दिवसापूर्वी रिलीज झाले
शारदा सिन्हा यांचे शेवटचे गाणे काल रिलीज झाले. ‘दुखवा मितये छठी मैया’ नावाचे हे छठ व्हिडिओ गाणे काल यूट्यूबवर रिलीज करण्यात आले. या गाण्याला एका दिवसात जवळपास 2 लाख व्ह्यूज मिळाले आहेत. दरवर्षी छठला सुपरहिट गाणी देणाऱ्या शारदा सिन्हा यांची ही शेवटची छट होती. छठ उत्सवाच्या पहिल्याच दिवशी शारदा सिन्हा यांनी अखेरचा श्वास घेतला. शारदा सिन्हा यांच्या निधनाच्या बातमीने भोजपुरी म्युझिक इंडस्ट्री दु:खी झाली आहे. शारदा सिन्हा यांच्या मुलाने त्यांच्या निधनाची माहिती दिली आहे.
